Kleeserchersdag feiere mir erëm mat engem gudden Iessen nach eng Feier déi de Kleeschen och nach op senger Wollek matkritt. A wien weess…vläit, wann mer haart genuch sange kommen de Kleesche an den Houseker bis laanscht kucken…?

Doodle – Iessen a Party Kleeschen

Dëst Joer iesse mer eis chinesesch Fondue an eisem Stammcafé, dem Café de la Presse. Vir dass e bësse Bewegung era kënnt, gëtt et en Zalotebuffet. Als Bäilag gi Räiss an/oder Fritten servéiert. Dat ganzt kascht iech 28.- CHF. Vir d’Vegetarier ënnert eis ass natierlech och gesuergt. Dës kréien eng Kéisfondue fir 22.- CHF. Maximal kënne 60 Leit mat iessen kommen! Déi éischt an Memberen mat Kart si vir!

Rendez-Vous am Café de la Presse ass um 19h00 fir den Apéro. D’Iessen gëtt dann spéitstens um 20h00 servéiert.

Nom Iessen bléiwe mir an der Presse wou mir dann weider feieren a wou mir och dann de Kleeschen an den Houseker wäerten empfänken! Déi 2 wäerte sécher erëm flott Geschichten op Lager hunn! 😉

Et ass ganz wichteg dass der är witzeg, peinlech oder flott Geschichte vun anere Memberen un de Kleesche schéckt (de_kleeschen@web.de)! A keng Angscht… De Kleeschen ass diskret ;-)! Gi der vum Kleeschen an Houseker opgeruff, hu der d’Eier mat hinnen e Glieschen ze drénken!