Och rëm dëst Joer organiséiert d’ACEL zesumme mat der LASEL hiren traditionellen Tournoi de Noël. Dëse fënnt Méindes den 22. an Dënschdes den 23. Dezember 2014 an de Sportshale vum Campus Geesseknäppchen statt.

Méindes steet Volleyball a Basketball um Programm. Dënschdes steet ganz am Zeeche vum Fussball.

Hei sinn eemol déi wichtegst Punkten zum Tournoi resüméiert:

• Nëmmen ageschriwwe Studenten dierfen um Tournoi deelhuelen;
• All Cercle dierf nëmmen ENG Equipe pro Disziplin stellen;
• D’Aschreiwungsgebühr pro Equipe ass 30,00 EUR (d’Käschte gi vum Comité iwwerholl!);
• Beim Volleyball musse während de ganze Matcher ëmmer opmannst zwee Meedercherum Terrain stoen;
• Délai vir d’Aschreiwung ass den 27. November!

Hei fann der den Doodle vir iech unzemellen: Doodle – Tournoi de Noël 2014

De Chrëschtdagsturnéier ass ëmmer rëm eng gutt Geleeënheet vir Studenten aus anere Cerclen kennenzeléiren an al Kollegen erëmzegesinn. Mëllt iech zu vill un, dann ginn et bestëmmt 2 super Deeg!